मृदुगंध ओल्या पावसाचा
मृदुगंध ओल्या पावसाचा
1 min
217
नील अंबरी पावसाची छबी
घन पिसाट वाऱ्यात नभी
उभ्या पिकात हिरव्या रानात
सृष्टी सुसाट तोऱ्यात उभी ||१||
आला पाऊस भिजली धरती
शुभ्र गोरे गोरे थेंब
सरीवर सर ओथंबून
रविकिरणेही झाली ओली चिंब ||२||
ऋतू हर्षाचा ऋतू वर्षाचा
मृदुगंध ओल्या मातीचा
सुगंधित झाला आसमंतसारा
मृदुगंध भिजक्या पावसाचा ||३||
रिमझिम बरसती पाऊसधारा
संगे ओला गार वारा
रुप देखने सजली धरा
हिरव्या ऋतूचा नवा कारवा ||४||
मृदुगंध चिंब पावसाचा
गंधाळीत बेभान वारा मोहवीत
बंधन नसे कुणाचे
ओलं रुप सुखवीत ||५||
ओला मृदुगंध मुग्ध हिरवं रान
सप्तरंगी इंद्रधनू बेधुंद उधळण
मन आलं बहरुन ऋतू हिरवा बघून
धरती तृप्त पाऊस पिवून ||६||