महागाई

जेव्हापासून भ्रष्टाचार आणि

राजकारणाची झाली सगाई

तेव्हापासून भारत देशात

भरमसाठ वाढली महागाई

           महागाईने आपले क्षेत्र

           दिवसेंदिवस वाढवितच नेले

           अन्याय हिटलरचे        

            जणू पुन्हा सुरू झाले

इच्छा नसतांना महागाईला

सहन करावे लागते

श्रीमंताचे जाऊद्या

पण गरिबांना तडा बसते

           महागाईला वश करणे

           फार कठिण काम दिसते

           सरकारचे प्रत्येक औषध

           या रोगांवर फेल वाटते

पसरून साथीच्या रोगां सारखे

महागाईने किती केला कहर

गरीब गेला मरायला तर

दुकानदार म्हणे विकत घ्या जहर

        फरक नाही पडत नेत्यांना

        महागाई कमी झाली की नाही

        पण शेतकऱ्याला विचार पडतो           

        आज घरी चूल पेटणार की नाही.