माय माझी मराठी

कशी वर्णू महती तुझी 

छोट्या छोट्या या शब्दांत 

तु तर माय माऊली माझी 

बालपणी निजवले अंगाईने 

थकल्या वाटेवरी तूच तर

येसी माझा हात धरायला 

प्रेरणा जागवून मनी शब्दांतून 

तुच मला शिकविले लढायला 

स्पर्श मायाळू लागून तुझा 

ममता भरली वाणीत माझ्या 

तु येता ओठी माझ्या 

बळ येई नव्याने हसत देही 

काना, मात्रा अन वेलांटीचा 

शृंगार करून नटली तू 

म्हणूनच रसिक होती शब्द 

देऊन अर्थ नवा नवासा मजला