माणूस म्हणून

ना जाती, धर्म

ना वर्ण मानतो.

माणसाला मी फक्त,,

माणूस मानतो...!

ना हिंदू, मुस्लिम

ना इसाई मानतो.

दंगे फैलाविणाऱ्याना,

मी कसाई मानतो..!

लिंग भेद असला तरी,

स्त्री-पुरुष समान मानतो.

कारण मी भारताचे,

संविधान मानतो..!

ना गरीब, श्रीमंत

ना भिकारी मानतो.

माणुसकीची जाण नाही,

त्याला शिकारी मानतो..!

हिंदू व मुस्लिम

मी एक मानतो.

धर्मनिरपेक्ष भारत,

जगात नेक मानतो..!

ना राजे ना राणी

ना ठोकशाही मानतो.

संविधानाच्या देशात,

मी लोकशाही मानतो..!