Library
Profile
माझे अंगण
माझे अंगण
1 min
378
माझिया रे अंगणात
रंगोली राणीचा थाट
पारिजातकाचा सडा
मांगल्याची पायवाट॥१॥
माझिया रे अंगणात
राम तुळस डोलते
मंजिरीनी बहरते
जशी नवरी सजते ॥ 2॥
माझिया रे अंगणात
मोगरा बाई फुलला
त्याचा ग सारा सुगंध
चोहिकडे पसरला ॥ 3॥
माझिया रे अंगणात
भास्कर डोकावतो
सुमनासवे गृहास
खुदकन हसवतो ॥४॥
माझेच अंगण माझ्या
सुखदुःखा भागीदार
थकल्या भागल्या जीवा
त्याचा वाटतो आधार ॥५ ॥
