जीवन
जीवन
1 min
11.9K
जीवन असंच असतं जगायचं;
सागराच्या लाटांसारखं
सतत असतं वहायचं!
जीवन असंच असतं जगायचं;
फुलपाखराप्रमाणं
स्वछंदी उडायचं!
जीवन असंच असतं जगायचं;
कधी रथाच्या चाकाप्रमाणं
समांतरही चालायचं!
जीवन असंच असतं जगायचं;
कानात वारं शिरल्यासारखं
वाट दिसेल तिकडं धावायचं!
जीवन असंच असतं जगायचं;
कधी आकाशातल्या ताऱ्यासारखं
दूरूनचं जग पाहायचं!
जीवन असंच असतं जगायचं;
पावसामधे भिजता भिजता
आसवांना मोकळं आभाळ करून द्यायचं असतं!