झेप
झेप
1 min
385
शेखचिल्ली तर ठरलेलाच आहे
नुसतीच झोपेत पाहिली जर स्वप्ने
नियोजन हवे प्रयत्नांचेही
नकोत नुसतेच परिश्रम व्यर्थपणे
नकोत नुसत्याच वायफळ गप्पा
नकोत फुकाची आश्वासने
नकोत अपयशाच्या हजार खेपा
एकच झेप घ्यावी यशस्वीपणे
आधी सुनिश्चित करावे लक्ष
अन् चहूकडचा माग काढावा
सर्व तयारीनिशी झेपावे मग
गरुडाकडून हा धडा घ्यावा
आधी करावी स्वयंतयारी
अंतर अचूक ते ताडावे
पूर्ण शक्तीनिशी मारावा पंजा
वाघ चित्याकडून हेच शिकावे
शिडास थोडी गती मिळाया
तीर आधी तो त्यागावा
विमान अपुले हवेत तरण्या
मुक्काम भू वरचा हलवावा
झेप घ्यावी लक्ष्याकडे
आत्मविश्वासाचे भरून इंधन
सुयोग्य वेळ पाहुनी करावे
चिंतनरूपी मार्गावलोकन