जात

जातीचं भूत मानगुटीवर बसलं

माणसानं माणसाला खाली खेचलं

जन्मा आला माणूस म्हणून

जातीनं घेतलं स्वातंत्र्य हिरावून

शाळेत नाव घालताना लिहा म्हणलं मानव जात

पण सांगितलं ही तरतूद नाही कायद्यात

तू पाणी पितो मी पाणी पितो

मग जातीवाद त्यात कोठून शिरतो??

एक कळत नाही सगळ्याला

एकच लाल रंग रक्ताला

एकच पृथ्वी रहायला

एकच ऑक्सिजन श्वासाला

मग वेगळ्या जाती का लिहायला???

लिहू एकच मानव जात

नकोत भेदभाव वसुधेच्या घरात

नांदू सारे आनंदात

सोडून देऊ अभिशाप 'जात'