आयुष्यातील विरामचिन्हे

उलगडत असता जीवन कोडे

वापरा विराम चिन्हे थोडे ।

छोट्या कारणांना द्या स्वल्पविराम

तर बिकट प्रसंगी अर्धविराम ।

काही प्रसंग घालावेत अवतरणात

तर काहींना मग उदगारात ।

कधी न चुकावे वेलांटी उकारात

जीवन अक्षर काढावे आकारात ।

जाणून घ्यावेत चढ उतार

योग्य असावा जीवन सार ।

नसावी रचना विखुरलेली

असावी अर्थपूर्ण होऊन फुललेली ।

योग्य वेळी द्यावा पूर्ण विराम

अवश्य घ्यावा थोडा आराम ।

विराम चिन्हांचा करून वापर

आनंद लुटावा जीवनाचा खरोखर .।👍👍