हरित वारी !

लावलंय का हो ?

या जन्मी तुम्ही एक तरी झाड !

केलीत का हो? जाता जाता 

थोडी पुण्याईमध्ये वाढ !

 जपलंय का हो ? त्या झाडाला 

तुम्ही मुलाप्रमाणे फार !

रुजलांय का हो? पिढ्यापिढयांमध्ये 

तुमचा एक विचार !

ठेवलंय का हो ?मागे तुम्ही 

काही सुंदर बहारदार !

झालंय का हो? आयुष्य तुमचं

झाडंच हिरवंगार !

लगडलीत का हो? फळे तयाला

संस्कारशील रसदार  

की बुध्द- शिवबांचे 

पुन्हा एकदा अवतार !

खुशाल मिसळा मग मातीमध्ये!

बीज तुम्हीच हो कसदार!

हक्क जगण्याचा दिला तुम्हाला !

फेडाल का हो? घाम गाळुनि 

या मातीचे उपकार !

 यशकिर्तीच्या कळसावर 

कुणी कोरले ?

नांव तुमचे नक्षीदार !

अशी घडावी अशी रुजावी 

या झाडाची

हरितवारी वारंवार