दिवाळी

दिवाळी 

का सगळ्यांसाठी सारखी नसते 

स्वतःची सावलीच तिथं स्वतःसाठी पारखी असते 

नसला दिवा काहींच्या दारे 

तिथं असतात की चंद्र तारे 

असतो कितीतरी जणांचा 

तो धुर करुन निसर्गाला मारण्याचा छंद 

कुठे भेटतो सगळ्यांना तो 

नव्या खरेदीचा आनंद 

स्वप्न असते चिमुकल्या डोळ्यांचे

पाय आपसूकच चार चाकी जवळ जातात 

मन मोडुन तेव्हा बाबांची 

सायकलच मोठी सवारी होते

पण विसरु नको एक दिवस पावलांची होते वाट 

नक्कीच उगवते पेटलेल्या स्वप्नांची पहाट 

तेव्हा मिळेल तुला सगळं काही 

फक्त नाराज होऊन बसायचं नाही