भावना

बुडालेले घर पाहिले

मन माझे जळाले

पाण्यात आशा वाहिल्या

स्वप्नं अधुरे राहिले

भावना मुक्या झाल्या

डोळ्यात ऊभ्या राहिल्या 

शब्द फुटेना तोंडातुन

वेदना बनून वाहिल्या

वाहुन गेला संसार

पोटात भुक ऊठली

गोठले दूध अंगातले

सोनुली आज रडली

गेले शेत सारे

मेली सारी जनावरे 

धनी बघत राहाला

डोळे कोरडे झाले

डोळ्यात उरलेले अश्रू 

भावना अबोल झाल्या 

नाही राहिले शब्द

पुरात फक्त हसल्या