भारत मातेची आरती

*भारत मातेची आरती*

 जय देवी जय देवी जय भारत माता |
होतो आनंद तुझे गुण गाता ||. जय देव जय देव ||धृ|| .

चैतन्याची भूमी आहे जगात |
 संस्कृतीचा ठेवा जनी मनात |
 प्रेम भावे येथे जन हो रहात |
समता ममता प्रेमभावे ध्याता ||
 जय देवी जय देवी भारत माता |
आनंद होतो तुझे गुण गाता ||
जय देव जय देव ||१||

 राम कृष्ण शिवाची ही भूमी |
येथेच जन्मले खरे देश प्रेमी‌ |
 सुवर्णयेथे नाही काही कमी |
परिश्रम सत्कर्म तुज पाहता |
जय देवी जय देवी भारत माता |
 होतो आनंद तुझे गुण गाता ||
जय देव जय देव ||२||

 पारतंत्र्यात होता जेव्हा देश |
स्वातंत्र्यवीर साहिले क्लेश |
 गेले इंग्रज सोडोनी हा देश |
शूरवीरांची गातो मी गाथा |
 जय देवी जय देवी भारत माता ||
 होतो आनंद तुझे गुण गाता ||
 जय देव जय देव ||३||

 ज्ञान विज्ञानाने दिली गती |
सर्व दिशांनी झालीय प्रगती |
संस्काराची संस्कृती जगती |
चढते स्फुरण महती गाता |
जय देवी जय देवी भारत माता ||
आनंद होतो तुझे गुण गाता ||
जय देव जय देव ||४||

 भारताची झाली विश्व कीर्ती |
 नित्यसन्मुख तुझी असे मूर्ती |
 रामकृष्णास मिळाली स्फूर्ती |
 परमानंद झाला आरती गाता |
 जय देवी जय देवी भारत माता ||
 होतो आनंद तुझे गुण गाता |
 जय देव जय देव ||५||

 भारतमातेच्या आरतीचे रचनाकार *श्री.ह.भ.प.प्रा.रामकृष्णादादा महाराज पुणे* ©️ सर्व हक्क सुरक्षित! नाव कट करून कोणी रचना फॉरवर्ड केली तर कारवाई केली जाईल.