बालपण

बालपण म्हणजे

आईच्या हातचा खाल्लेला 

प्रेमाचा मार

तर बाबांवर टाकलेला

हट्टांचा भार

बालपण म्हणजे

आजी च्या मांडीवर झोपून

ऐकलेल्या परींची कहाणी

तर आजोबांकडून ऐकलेल्या

त्यांच्या लहानपणींची आठवणी

बालपण म्हणजे

दादाच्या गाडी वरचा

पहीला प्रवास

तर ताई सोबत

घालवलेला तो सहवास

बालपण म्हणजे

चाळीत खेळता खेळता

केलेली हाणामारी

तर मधल्या सुट्टीत एकत्र

डब्बा खाल्लेली ती यारी

बालपण म्हणजे

सुंदर आठवण

तर सगळ्यांच्या जीवनातला 

आनंदाचा क्षण