ಜಡೆ ಕವನ
ಜಡೆ ಕವನ
1 min
533
ಬಿರುಕು ಕಾಣುತ್ತಿದ್ದ ಹಳೆಯ ಮನೆಯನ್ನು ಬಿಟ್ಟೆ
ಬಿಟ್ಟೆ ನೆಮ್ಮದಿಯ ಉಸಿರು!
ಉಸಿರು ಈ ದೇಹವನ್ನು ಬಿಡುವ ಮುಂಚೆ
ಮುಂಚೆ ಇದ್ದ ನೆಮ್ಮದಿಯನ್ನೇ ನಾನೀಗ ಕಾಣೆ!
ಕಾಣೆ ಆದ ಸುಖ-ಸಂತೋಷವನ್ನು ಹುಡುಕಿ ಹೊರಟೆ.
ಹೊರಟೆ ಊರೂರು ದಾಟಿ ಕಾಣದ ದೇವನ ಕಡೆಗೆ.
ಕಡೆಗೆ, ಗುಡಿಯಲ್ಲಿ ಕುಳಿತಿದ್ದ ದೇವನಿಗೆ ಮೊರೆಯಿಟ್ಟೆ.
ಮೊರೆಯಿಟ್ಟೆ ಮತ್ತೇ ' ವರ್ಗಬೇಕೆನಗೆ ಈ ಮನೆಯಿಂದ ಆ ಮನೆಗೆ.'
ಆ ಮನೆಗೆ ಮರಳಿ-ತೆರಳಿ-ತೆರೆದೆ,
ತೆರೆದೆ ಮುಚ್ಚಿದ್ದ ಮನವೆಂಬ ಪರದೆ
ಪರದೆ ಸರಿದಾಗ ಬದುಕಿನ ಕೊನೆಕ್ಷಣದಲ್ಲಿ ನಾನು ಜೀವಿಸುತ್ತಿದ್ದೆ.
ಜೀವಿಸುತ್ತಿದ್ದೆ ಇಷ್ಟುದಿನ ಮನದ ಸುಪ್ತ ಗೋಡೆಯೊಳಗೆ.