*मामाक गांव जाबिन*

मामाक गांव जाबिन, आंबा बोरं खाबिन౹ मामाक गांव जाबिन जांब चिकू खाबिन॥१॥ 

मामाक खेतका गोड़गोड़ आंबा खाबिन౹ मामाक खेतका गोड़गोड़ चिकू खाबिन॥२॥ 

मामाक खेतमा आंबाकी मोठी अंबराई౹ खेतमा हापूस केशर आंबाकी अंबराई ॥३॥

आंबा जांब चिकू संत्रा बोरं इनको बगीचा౹ खेलनो कुदनो सब कामसाती से बगीचा॥४॥ 

दिवारीक छुट्टी मा आवसेजन आमी౹ दिनभर आंबराई मा मजाकरे आमी॥ ५॥ 

मामाको मोठो सुंदर बाड़ासे गांव मा౹ शुद्धसे हवा याहां अच्छों लगे गांव मा॥६॥ 

नहि यहां एसी कूलर मामाक गांव मा౹ चारहि आंग हिवरा सेती खेत गांव मा ॥७॥ 

नहि यहां जरूरी एसी ना कुलरकी ౹ चलसे शुद्ध ठंडी हवा यहां गांवकी ॥८॥ 

नवा संगी मिल गया मामाक गांव मा ౹ खेल रंगसे उनकमा मामाक गांव मा॥९॥