ગેટ-ટુગેધર
ગેટ-ટુગેધર
વિકીએ રોનિતને કોલ કર્યો.
વિકી : હેલ્લો, રોનિત.
શીલા : હું શીલા બોલું છું.
વિકી : ભાભી રોનિત છે?
શીલા : તે તો ગણેશ વિસર્જનમાં ગયા છે. મોબાઈલ નથી લઈ ગયા.
વિકી : અરે હા, આજ તો વિસર્જન છે. ભૂલી ગયો. તમે ના ગયા સાથે?
શીલા : ના. અમારી સોસાયટીના લોકો એ ભેગા મળીને ગણેશ સ્થાપના કરી હતી. અને સોસાયટીનાં બધા પુરુષો જ ગયા છે વિસર્જનમાં. તમારે કામ હતું રોનિતનું?
વિકી : કામ તો હતું. કોલેજના બધાં જુના મિત્રોનું એક ગેટ-ટુગેધર રાખવું હતું. તેના વિશે વાત કરવી હતી.
શીલા : હમણાં આવે એટલે ફોન કરાવું.
એક કલાક પછી વિકીને કોલ આવ્યો. રોનિતનો નંબર હતો.
વિકી : હેલ્લો, રોનિત.
શીલા : શીલા બોલું છું. રોનિત ઊંઘી ગયા છે.
વિકી : કેમ?! બહુ થાકી ગયો છે?
શીલા : હા, એટલા થાક્યા કે સદા માટે ઊંઘી ગયા છે.
વિકી : ભાભી આ શું બોલો છો?!
શીલા : હા, ગણેશજીની સાથે તેમના પ્રાણ પણ વિસર્જિત થાય ગયા.
રોનિતનાં બીજા મિત્રોને તમે ફોન કરી દેશોને?
તમારે પેલું ગેટ-ટુગેધર રાખવું હતું ને, તે હવે અહીં જ થઈ જશે.