શિખરની કેડી
શિખરની કેડી
1 min
13.6K
જડી શિખરની કેડી
એક ઝાટકે વંશ-વારસા સાથે
છોડી બહુમાળી નિજ મેડી
જડી શિખરની કેડી
જામાના રૂપેરીમાં જે રંગ જુવે રાખોડી
એની પાછળ દંતકથાઓ કરતી દોડાદોડી
શું લેવાં શું દેવાં જેણે ઓઢી
પહેરી રાખી માત્ર પછેડી
એક ઝાટકે વંશ-વારસા સાથે
છોડી બહુમાળી નિજ મેડી
જડી શિખરની કેડી
લાલ એટલું કંકુ અથવા કાળું મેશ બરાબર
પરપોટાને કહે : પાણીએ કર્યો પવનનો આદર
રાગ નહીં કોઈ ખીણ, ખડકથી
દ્વેષ દીધો હો ઊંડેથી ઉખેડી
એક ઝાટકે વંશ-વારસા સાથે
છોડી બહુમાળી નિજ મેડી
જડી શિખરની કેડી