પેપર તો ફૂટવાના

છોકરાઓ તો મહેનત કરતા રહેવાના,

અને પેપર તો એમ જ ફૂટતા રહેવાના,

માબાપ તો કાળી મજૂરી કરતા રહેવાના,

અને દીકરા ક્લાસની ફી ભરતા રહેવાના,

કોઈના લગ્ન અટક્યા, કોઈની સગાઈ અટકી,

અને કોઈને તો નોકરીના ગ્રહો જ અટવાય છે,

નોકરી ખાતર અહીં ઘર છૂટ્યા, સંબંધ તૂટ્યા,

પરીક્ષા ખાતર અહીં વહેવાર ક્યાં સચવાય છે,

ઘણા ચોપડા વાંચ્યા,અને ઘણા પ્રશ્નો ગોખાય છે,

પણ માવતરની આંખોના આસું ક્યાં વંચાય છે ?

ઘણા નોકરી માટે મહેનત કરવા ભૂખ્યા રહેવાના,

અને પરીક્ષા પુરી થતાં જ એના સપના તૂટવાના,

કોઈ તો જાણો આ દલ્લાઓ ક્યારે શાંત રહેવાના,

કે પછી વિદ્યાર્થીઓના આમ જ સપના તૂટવાના ?

શું રાખશું આશા યુવાનો પાસે નૈતિકતાની આપણે ?

જેમને શરૂઆતથી જ રોજ ભ્રષ્ટાચાર શીખવાય છે,

છોકરાઓ તો નોકરીના ખોટા સપના જોતા રહેવાના,

અહીં ભારતીય વિદ્યાર્થી આમ જ રઝળતા રહેવાના.