મીરાં
મીરાં
1 min
586
શોધ્યા કરું ઈશ્વરનું ઘર કેમે કરી મળતું નથી,
ચિંધ્યા કરે બીજા બધા એ પણ છતાં જડતું નથી... !
ચાતક બની તાક્યા કરું એ ચાંદ દેખાયો નહિ,
વાદળ બની વરસી પડું આ ઉર હજુ ઠરતું નથી.. !
ઈચ્છા ઘણી છે આભને આંબી લઈ પાછો વળું,
આકાશથી જોઈ થયું ત્યાં આપણું જડતું નથી.. !
જિદ્દી ઘણો છે કે પછી નાદાન છે સમજણ નથી,
ભગવાન છે તું કે નથી એ માપણું મળતું નથી .. !
ઘોળ્યાં કરું મીરાં બની આ ઝેર ને હું ક્યાં લગી,
એના હૃદયનાં તાર ને કેમે કરી અડતું નથી.!