મારું ગુજરાત

આખી દુનિયામાં ગુજરાત મારું મોખરે,

એ એના કેવા મારે બે બોલ....

કાચી કેરીને અંગુર કલામ,

અમે ગુજરાતી લહેરી લાલા...

ગાંધીજી ગુજરાતી, મોદીજી ગુજરાતી

ગુજરાતની બોલ બાલા...

અમે ગુજરાતી લહેરી લાલા...

***

કવિતામાં મારી નહીં સમાય એની ગાથા,

ગુજરાત માટે તો મોટાં ગ્રંથો લખતાં...

આવો અહીંની સંસ્કૃતિ જોવા,

માન, મર્યાદા ને મોભો જોવા...

પશુ-પંખી અહીંયા દેવ ગણાતાં,

સવાર-સાંજ ગાય માતા પૂજાતા...

મે'માન ને ભગવાન સરખાં થાય,

''ભાઈ'' કહી અહીં સૌને બોલાવાય...

મંગળા આરતી બધાં પ્રેમે કરતાં,

સંધ્યા આરતી એ સૌ ચોરે મળતા...

તહેવારોનો અહીં ઢગલો થાતો,

નવરાત્રી મોટો ઉત્સવ ગણાતો...

પ્રહલાદની કથા છે હોળીની સાથે,

દિવાળીમાં તો ગુજરાત સૌની માથે...

વરસાદ પહેલાં તો અહી લાગણી વરસે,

રણમાં ય ભૂખ-પાણી માટે ના કોઈ તરસે...

કવિ, ઉધોગપતિ ને રજકાણીઓ,

ને વળી વીર ગાથાનો મોટો દરિયો...

કંડલા તો સૌથી મોટું બંદર,

આવો કોઈક વાર ગુજરાતની અંદર...

સઘળું વિશ્વ અહીં જ મળશે,

સૌરાષ્ટ્ર, સુરત ને કચ્છ આંખે તરસે.