લાઈબ્રેરી
પ્રોફાઈલ
મારે ઘેર આવજે માવા
મારે ઘેર આવજે માવા
1 min
639
મારે ઘેર આવજે માવા
કાલ સવારે ઢેબરું ખાવા
બાજરી કેરું ઢેબરું કરું ને
તળતાં મૂકું તેલ
આથણું પાપડ કાચરી ને
ઉપર દહીંનું દડબું છેલ
મારે ઘેર આવજે માવા
કાલ સવારે ઢેબરું ખાવા
મારે આંગણ વાડિયું માવા
ચોખલિયાળી ભાત
ઊનો ઊનો પોંક પાડું ને
આપું સાકર સાથ
મારે ઘેર આવજે માવા
કાલ સવારે ઢેબરું ખાવા
હરિ બંધાવું હીંચકો ને
હીરલા દોરી હાથ
હળવે હળવે હીંચકો નાખું
તમે પોઢો દીનાનાથ
મારે ઘેર આવજે માવા
કાલ સવારે ઢેબરું ખાવા
