કરામત

ક્યાં છે તું દૂર કુદરત, મને હારોહાર લાગે છે,

કેવી છે ઈ કરામત, મને સારો સંસાર લાગે છે,

તારા નિયમોને અવગણીને જો સામે ચાલુ તો,

કશુંય રહે ન સલામત, મને તારો માર લાગે છે,

કરતો રહ્યો મોજથી, જીવનભર તારી બંદગી,

કરી નથી ખુશામત, તોયે કાં ઉભાર લાગે છે,

કોણ કહે છે, આ જિંદગીના રાહને અટપટો,

ક્યાંય નથી મરામત, રાહ ધારોધાર લાગે છે,

"એકદિલ", સૌને સૌનાં ભાગ્યનું તે આપે છે,

ત્યાં નથી અનામત, ઈ સારો વે'વાર લાગે છે.