કલાત્મકતા પણ પ્રભુની કેવી વિરલ !

કલાત્મકતા પણ પ્રભુની કેવી વિરલ ! 

જાણે જગમાં ક્ષિતિજે થયું અનોખું મિલન..

રાત્રિનો અંધકાર પણ અદભૂત રૂપેરી દ્રશ્ય,

ચંદ્રની કળા- તારાનું જગમગવું અને વાદળની દોડ, રમણીય સૌંદર્ય.!..

વહેલી પ્રભાતે સૂરજના કેવા સોનેરી કિરણો !

જાણે પથરાવી રહ્યાં છે નવાં સ્વપ્નનાં તરંગો....

ધારિણીની ધન્યતા પણ ખૂબ અનોખી,

હરખતો વિશાળ દરિયો- અવર્ણનીય પ્રકૃત્તિ અને મધુર ટહુકતા અનેક પંખીઓ. !...

સંધ્યાનાં સૂર્યનો તેજ કેવો સોહામણો !

જાણે સ્વપ્નનાં તરંગોનો થયો સાક્ષાત્કાર રળિયામણો...

નિયતિની કલા પણ કેવી અદભૂત !

જાણે વિરાટને હિંડોળે ઝૂલી રહ્યો હોય નવયુગ.