દીકરી

મને ખબર જ ના પડી, 

ક્યારે મારી લાડકવાઈ મોટી થઈ ગઈ. 

કાલે જેને પારણામાં હું ઝૂલાવતી,

એ એના પ્રેમીનાં પ્રેમમાં ઝૂલવા ચાલી. 

હું જેને મારા હાથે જમાડતી, 

એ બીજાને પ્રેમથી જમાડવા ચાલી. 

જેની લેતી હું સૌથી વધારે કાળજી, 

એ બધાની સંભાળ લેવા ચાલી. 

મને ખબરજ ના પડી, 

ક્યારે મારી લાડકવાઈ મોટી થઈ ગઈ. 

જે રોતા રોતા મારી પાસે આવતી,

એ બીજાની જિંદગીની હસી બનવા ચાલી. 

પા પા પગલી કરતી મારી આ ઢીંગલી, 

હવે બીજા ઘરમાં કંકુના પગલા કરવા ચાલી. 

જે છે આજે મારા ઘરની લક્ષ્મી, 

એ બીજા ઘરની લક્ષ્મી બનવા ચાલી. 

 જે હતી મારી નન્હી પરી,

એ પરાઈ થવા ચાલી.