બોલવું પડશે

વસે જો વ્યથા હ્રદયે તારા,

તો તેને ખોલવુ પડશે !

ઢળેલા પોપચા એ વાત નહી ચાલે,

આંસુ ગાલ ઉપર એકાદ ઢોળવુ પડશે !

અહીં કેટલાય ઓટલા સૂના થૈ ગયા,

કડવુ સ્મરણોનુ વખ ઘોળવુ પડશે !

સમજ બધી છે ઝાંઝવા વિશે અમોને ,

મૃગનો અવતાર મળ્યો, તો દોડવુ પડશે !

દુઃખ ભરપૂર છે ફૂલો તોડવામાં પણ,

ઈશ્વરને ખુશ રાખવા વૃક્ષનુ સ્વપ્ન રોળવુ પડશે !

કેમ ચાલે ઓ' રસ્તાઓ તારૂ રોજ કચડાવુ ?

બધા મંઝીલે પ્હોંચ્યા, તારે પણ હવે બોલવુ પડશે !