આ પવન
આ પવન
1 min
14.5K
સખી જોને!
છે કેવો નઠારો,
આ પવન મારુ ગવન લઈને ભાગ્યો.
એકાંતે બેઠી'તી ગુમસુમ હું ઓરઙે,
કંઈક ખખઙાટ મને સંભળાયો ખોરઙે,
આવી ઉંબર સુધી,
પિયુ આવ્યાનો અણસાર મને લાગ્યો.
સખી જોને!
આ પવન મારુ ગવન લઈને ભાગ્યો.
ગોરંભાયેલ આકાશે બેઠો'તો છુપાઈને,
નાજુક લતા વાવઙ પુછતી'તી લજાઈને,
એકાદ પાંદઙુ હલાવ,
કહીને અમથો અમથો એને તાગ્યો.
સખી જોને!
આ પવન મારુ ગવન લઈને ભાગ્યો.
વાવઙ મોકલવા'તા પિયુને એની સંગાથે,
ભેજ થોઙો લઈ જા, જે બાજ્યો છે આંખે,
સુગંધની લાલચે,
મેં એનો વખત થોઙો માગ્યો.
સખી જોને!
આ પવન મારુ ગવન લઈને ભાગ્યો.
લે! લઈ જા તું મારા શ્વાસ થોઙા થોઙા,
વિંટાળી લે ઉરના વિશ્વાસ થોઙા થોઙા,
કહેજે સાજનને,
વિરહનો કેવો કાંટો મને વાગ્યો.
સખી જોને!
આ પવન મારુ ગવન લઈને ભાગ્યો.
લતા પંડ્યા