"Chotu Kabir, Gudiya, Siya aur Biscuit Party"

 Bangalore ke ek chote se ghar me do bhai behen rehte the - Kabir jo 6 saal ka tha aur Siya jo 5 saal ki thi. Dono me bohot pyaar tha par ek cheez pe roz ladai hoti thi - biscuit ka last piece kaun khayega? 

Mumma hamesha kehti, "Bacchon, share karne se pyaar badhta hai."

Ek Sunday subah, mumma ne garden me ek choti si mat bichayi aur bola, "Aaj tum dono ki biscuit party hai, par ek special guest bhi ayega." Kabir aur Siya excited ho gaye 

Thodi der me ek chota sa fluffy puppy aaya, dum hilata hua. Uska naam tha Momo. Momo street ka puppy tha mumma roz us puppy ku biscuits khilati. Aur Momo ke peeche peeche do choti si sparrow - Chikki aur Mikki 

Siya ne turant apna biscuit toda aur bola "Yeh Momo ke liye!" Kabir ne bhi apna biscuit toda aur chidiyon ke liye daala.

Us din jo hua, wo jadoo tha Momo ne biscuit kha ke Siya ka haath chaata, aur dono chidiya Kabir ke shoulder pe baith gayi. Dono bhai behen has has ke lot pot ho gaye 

Tab se roz ki aadat ban gayi. Subah 7 baje garden me biscuit party! Kabir apne school ka tiffin se ek biscuit bacha ke lata, Siya apne doll ke plate me se. Aur Momo aur chidiya unka wait karte.

Ek din Kabir beemar pad gaya. Usse high fever tha, wo school bhi nahi gaya. Siya akeli garden gayi, Momo aur chidiya Kabir ko dhoondh rahe the. Siya ne kaha, "Kabir bhaiya beemar hai."

Agla din dekho kya hua! Siya ne dekha Momo apne muh me ek chota sa neem ka patta leke aaya hai, aur chidiya apni chonch me tulsi ke patte! Jaise keh rahe ho - "Ye lo dawai!"

Mumma ne has ke kaha, "Dekha? Animals ko bhi care karna aata hai. Tum unki care karte ho, toh wo bhi tumhari karte hai."

3 din me Kabir theek ho gaya. Aur theek hote hi pehla kaam - garden me jaake Momo ko tight wala hug aur chidiyon ko thank you bola.

Us din Kabir ne diary me likha: "Mere do best dost hai jo bolte nahi hai, par sabse zyada pyaar karte hai."

Moral: Bacchon, asli happiness share karne me hai. Jab tum apna biscuit, apna pyaar, ek puppy aur ek chidiya se share karte ho na, toh tumhare dil ka size bada ho jata hai. Aur yaad rakho, boys ho ya girls, care karna sabse bada superpower hai Kabhi kisi animal ya bird ko akela mat samjho, unke liye tum hi poori duniya ho.