ପ୍ରେମ

ତୁମେ ଏକ ଶୀତୁଆ ସକାଳର ଉଷୁମ କମ୍ଵଳ

ବସନ୍ତର ଦକ୍ଷିଣା ମୃଦ୍ୟୁ ମଳୟ

ତୁମ ପାଇଁ ସହିହୁଏ ବୈଶାଖର ଝାଞ୍ଜି

ଧାରା ଶ୍ରାବଣର ଟପ୍ ଟପ୍ ଅସରନ୍ତି ଲୁହ

ପକ୍ଷୀରାଜ ଘୋଡାରେ ନିଅ ଉଡାଇ

ପହଁରାଅ କେଉଁ ଏକ ନୀଳ ସ୍ଵପ୍ନ ରାଇଜେ ।

କେତେବେଳେ ଆସ ଛପି ଛପି

ପୁରା ଆକାଶଟାକୁ କରିନିଅ ନିଜର

ଜହ୍ନରେ ତୋଳିଦିଅ ଏକ ଝାଟିମାଟି ଘର

ବିଶ୍ଵାସର ଅମୃତ ଝରଣାଟିଏ ଝରାଇ

 ମାଗିନିଅ ଆଖିରୁ ଲୁହ ଓଠରୁ ହସ 

ଆନମନା କରୁଥାଅ କାହିଁ ବାରମ୍ଵାର

ଆଇନା ଆଗେ ବସି ଖୋଜୁଥାଏ ମୁଁ ନିଜକୁ ନିଜେ ।