ఏమైందో..!

కదలని బొమ్మలకు ఎంతో విలువ..

ప్రాణమున్న మనిషికది లేకపోయె..

మోసగాళ్ళకు సన్మానాలు

మంచివారికి మంచినీళ్ళే మిగిలే..

రాక్షసులపై నమ్మకాలు

కరుణామయులపై అపనిందలు...

కూర్చున్న కొమ్మనే నరుక్కోవడం

కింద పడ్డాక ఎదుటి వారిపై నెట్టేయడం..

కలికాలాన మాయాజాలమేమో

ఆ ముసుగులో సాగుతున్న భావజాలమేమో..

తెలియక చేస్తే పొరపాట్లు

తెలిసి చేస్తుంటే తప్పవు గ్రహపాట్లు..

ప్రకృతి మాత రొమ్ము గుద్దుతూ

తమ ప్రాణాలను పణంగా పెట్టేస్తున్నారు...

ఏమైందో..?ఈ లోకానికి..!

చైత్రశ్రీ(యర్రాబత్తిన మునీంద్ర)