மழலை
மழலை
1 min
402
உன் எச்சில் குழப்பும் குமிழ்
குமிழுள் காற்று நான்
உன் கன்னம் தங்கச்சிமிழ்
அதில் மிச்சம் நான்
என்னை ரசிக்கும்
உன் இமைக்கா கருவிழி
இந்த ஆழ்கடலாம்
அமைதி
என்னை சிலிர்க்கவைக்கும்
உன் கண் இமை
அந்த மயிலிறகாம்
பூரிப்பு
என்னை மட்டும் அறியும்
உன் எண்ணம்
இந்த உலகமாம்
வியப்பு
என்னை பற்றிக்கொள்ளும்
உன் பிஞ்சு விரல்கள்
அந்த மல்லிகையாம்
அரவனைப்பு
என்னை கூட்டத்தில் கண்டுகொள்ளும்
உன் மனம்
இந்த தொப்புள்கொடி உறவாம்
பயிர்ப்பு
என்னை உதைக்கும்
உன் பஞ்சு கால்கள்
அந்த மல்யுத்தம்
சிரிப்பு
என்னை மாற்றிய சேய் நீ!
உன் தாயா நான்?
இந்த தாய்மை
திகைப்பு