Quotes New

Audio

Forum

Read

Contests


Write

Sign in
Wohoo!,
Dear user,
ମୋତେ କେଉଁ ଅସ୍ତ୍ରରେ ମାରିବ ମାର
ମୋତେ କେଉଁ ଅସ୍ତ୍ରରେ ମାରିବ ମାର
★★★★★

© Umakanta Rout

Others

1 Minutes   255    3


Content Ranking

      ମୋତେ କେଉଁ ଅସ୍ତ୍ରରେ ମାରିବ ମାର

                                                                 ଉମାକାନ୍ତ ରାଉତ (ଅରୂପ)

ମୋତେ କେଉଁ ଅସ୍ତ୍ରରେ ମାରିବ ମାର

ମୋ ହାତରେ ଭଲପାଇବାର ତୀର ଓ ତୂଣୀର

ମୋ`ର ସୀମା ଆକାଶର ଅସୀମ ନୀଳିମା

ସମୁଦ୍ରର ବେସାଲିସ୍ ଢେଉ,ମୋ` ପ୍ରମତ୍ତତା

ସ୍ଥିର ହିମାଳୟ, ମୋ ଛାତି ଉଚ୍ଚତା ।

 

ଦେହର ସେପଟେ

ମୁଁ କଥାହୁଏ,ନିଃଶବ୍ଦର ଶବ୍ଦରେ

ମୋ` ଦେହର ସମାଧିକୁ ଦେଖ

ଉଈ ଚରିଯାଇଥିବା ଜୀବନ ବେଦୀରେ

କେମିତି ଉଠିଛି ତୁଳସୀ ଗଛଟେ !

 

ଏବେ ମୋତେ କେଉଁ ଅସ୍ତ୍ରରେ ମାରିବ ମାର

ହେଏ...ଇ...ଇ...ଈ...ଧୂ..ର...

ସରଗର ନିଆରା ତାରାକୁ ଦେଖ

ଫୁଲିଉଠିଥିବା ଉର୍ମିକୁ ଦେଖ

 

ସେଇ ତାରାର ଜକଜକ ହସ

 ମୋ ମାନସ

ସମୁଦ୍ରର ବୁକୁଚିରି ଫୁଟିଥିବା ପଦ୍ମ

ମୋ`କବିତା ଏକାନ୍ତ ମୁହୂର୍ତ

କାଳର କପାଳରେ ଝଟକୁଥିବା ଝୋଟି

ମୋ`ଛାତିର ସାଂଜୁ

ହାତର ଢାଲ,

ମଥାର ଶିରସ୍ତ୍ରାଣ

ମୋତେ କେଉଁ ଅସ୍ତ୍ରରେ ମାରିବ ମାର

 

ମୋ` କବିତାର ଶକ୍ତ ଆହୁଲା

ମୋତେ ଫେରେଇ ଆଣିବ କୂଳକୁ

ପ୍ରତିଟି ଷ୍ପନ୍ଦନର ମୂଳାଧାରକୁ

ନିଜ ଭିତରେ ନିଜେ ବାରବାର

ନିରୁବ୍ଦିଷ୍ଟ ହେଉଥିବା

ଚୁନି ଚୁନି ଶବ୍ଦ ବୈଦୁର୍ଯ୍ୟଙ୍କ ମେଳାକୁ...

ସାମାଜିକ ପ୍ରତିବଦ୍ଧତା

Rate the content


Originality
Flow
Language
Cover design

Comments

Post

Some text some message..