ଶ୍ରୀଫଳ
ଶ୍ରୀଫଳ
ମୁଁ ଶ୍ରୀଫଳ
ଉପରେ ଟାଣ
ଭିତରେ କୋମଳ
ପାଣି ଥିଲା
କୋମାଳତା ବି ଥିଲା
ଜାଣିବା ପାଇଁ ଚେଷ୍ଟା କଲନି
ବୋଧେ ଉପରୁ ଚିକ୍କଣ ଥିବା
ଅନ୍ୟ କିଛି ସୁସ୍ୱାଦୁ ଫଳ ଖୋଜୁଥିଲ
ହଁ ହାଟ ବଜାର ତ ପଡିଥିଲା।
ତୁମେ ଖୋଜି ଖୋଜି ଆଗକୁ ଚାଲିଗଲ
ମୋତେ ଝାଙ୍କି ଝୁଙ୍କି ଫୋପାଡ଼ି ଦେଲ!
ମୁଁ କେବେ ଗଡ଼ିଲି
କେବେ ପଡିଲି
କେବେ ଠାକୁରଙ୍କ ପାଇଁ
ଦୁଇ ଫାଳ ହେଲି
କେବେ ମନୋସ୍କାମନା ପୂର୍ତ୍ତି ପାଇଁ
କାହାର ଦାନ ହୋଇଗଲି
କେବେ ହୋମ ନିଆଁର ଜ୍ବାଳାରେ
ବିନା ଦ୍ବିଧାରେ ଜଳିଗଲି
କେବେ ଘର ଆଗରେ
ଖରାପ ନଜରରୁ ରକ୍ଷା କରିବାକୁ
ନିଜ ଜୀବନକୁ ସମର୍ପଣ କରି ଝୁଲିଲି।
ପଥର ଦେହରେ ବାଜି,
କେବେ ମୁଁ ଆପେ ଆପେ ଭାଙ୍ଗି ଗଲି।
ତେବେ ମୁଁ କଦଳୀ ବାନ୍ଝ ନୁହେଁ,
ତୁମେ ଛାଡି ଚାଲିଗଲ
କାରଣ ମୁଁ ବେଶ୍ ପରିପକ୍ଵ ଥିଲି
ମୁଁ ପୁଣି କହୁଛି ମୁଁ ଶ୍ରୀଫଳ
ଗଛଟିଏ ତିଆରି କରିଦେଇ ପାରିବି
ଅନେକ ଫଳ ଦେଇ ପାରିବି
ଅନ୍ୟ କାହା ଫଳ ପ୍ରାପ୍ତି ବି କରି ଦେଇ ପାରିବି
ଆଉ ତୁମେ?