ಸ್ವಯಂ ಸಂಕೋಲೆ - Paranoia

ಭಾವನೆಗಳು ಭೂತಗಳಾಗಿವೆ

ನೋಟಗಳೇ ಈಟಿಗಳಾಗಿವೆ

ಕನಸ ಕುದುರೆ ಸ್ಮಶಾನದೆಡೆಗೆ ಸವಾರಿ

ಹರಿವ ಹೊಳೆಯು ರಕ್ತದೋಕುಳಿ

ಸುತ್ತಮುತ್ತಲು ಭ್ರಮೆಯ ಹಾವಳಿ

ಜೀವದ ಗೆಳೆಯನೇ ಅಸುರ ವೇಷಧಾರಿ

ಕಬ್ಬಿನ ಹಾಲಿಗೆ ಬೇವಿನೆಣ್ಣೆಯ ಕಲಬೆರಕೆ

ಪ್ರೀತಿಯಲಿ ಅಪ್ಪಲು ನಂಬಿಕೆಗೂ ಹಿಂಜರಿಕೆ

ಹೊಮ್ಮುವ ಮುಖಭಾವನೆಗೆ ಅನುಮಾನವೇ ರೂವಾರಿ

ಅವ್ವನ ಮಡಿಲು ಮುಳ್ಳಿನ ಹಾಸಿಗೆ

ಅಪ್ಪನ ಹೆಗಲೂ ಚುಚ್ಚುವ ಸೀಗೆ

ಪಂಜರದ ಮನೆಯೇ ನೋವುಣಿಸುವ ರೌದ್ರಾವತಾರಿ

ಇಲ್ಲದ ಮಾಯಾಲೋಕಕೆ ಸೆಳೆದವರಾರು

ದಿಕ್ಕೆಟ್ಟ ನನ್ನ ದಡ ಸೇರಿಸುವ ಅಂಬಿಗನಾರು

ಸಂಕೋಲೆಯ ಕಳಚಿ ಬೆಳಕ ತೋರಿಸುವನಾ ಉದಾರಿ