આજન્મ માતા
આજન્મ માતા
માતા અમારી ઘણી વ્હાલી વ્હાલી,
આજે ફરી તું બહુ યાદઆવી;
છે આ જગે તેં અમને ઊતાર્યા,
ને સાથમાં કૈંક પિયુષ દીધાં.
સારા નરોવા કરવા અમારા,
બાધા ઘણીયે કરતી હમેશા;
પૂજ્યા ઘણા તેં પરમેશ્વરોને,
સેવા કરી છે પરિવાર કાજે.
તેં બારમાસી ખીલવી અમારી,
લ્હેરાય જોને નવલી રૂપાળી;
તું તો નથી તોય પુષ્પો સહિતે,
વિસ્તાર પામે પરિવાર વાડી.
પિતા સહિતે કરતી અમોને,
કુટુંબ કેરી વ્યવહાર વાતો;
થોડા મહીંથીય બચાવતી તું,
સૈા સાથ રાખી સઘળાં સમાવે.
સ્વગેૅ જઈને મલકી રહી તું,
તારાં જ ફુલો નિરખી નિહાળી;
તારી કૃપાનો નવ અંત આવે,
પ્રાસાદ તારો સવિસ્તાર પામે.
તું તો હતી વ્હાલપની સરિતા,
તારા તટે સૌ જળ વ્હાલ પીતાં;
માંગું હું અેવુ ઈશ! તુજ પાસે,
માતા રહો અાજ જન્મો પછીયે.