ଝୁଡ଼ିଭର୍ତ୍ତି ଝୁଡଙ୍ଗ

ଗୋଟିଏ ଝୁଡ଼ି ଝୁଡଙ୍ଗ ତୋଳିଦେଲେ ଏକଟଙ୍କା ମିଳିବ।ଏଇ ଟଙ୍କାରେ ଖାତା କିଣିହେବ, ପେନସିଲ କିଣିହେବ, ଜଳଖିଆ ବି ଖାଇହେବ। ଘଡ଼ିରେ ମଧ୍ୟ କିଛି ପଇସା ସଞ୍ଚୟ କରି ହେବ।ଏକଥା ଶୁଣିବା ବେଳଠୁ ମୁଁ ଅଥୟ ହୋଇ ଉଠିଲି।

ନଣ୍ଡା ଏଇ ଖବରର ସୂତ୍ରଧର।ଇତିମଧ୍ୟରେ ଦୁଇ ତିନିଥର ଯାଇ ତା ଘରଠୁ ଫେରିଆସିଲିଣି। ମାତ୍ର ତା ସଙ୍ଗେ ଦେଖାହୋଇ ପାରି ନାହିଁ।କେତେବେଳେ ଯିବାକୁ ହେବ, କିଏ କିଏ ଯିବେ ଇତ୍ୟାଦି ପ୍ରଶ୍ନ ମୋତେ ଅକ୍ତମାକ୍ତା କରିଦେଉଥିଲା।ଏ ମଧ୍ୟରେ ମୁଁ ବୋଉଠୁ ଅନୁମତି ମଧ୍ୟ ନେଇସାରିଥିଲି।ବୋଉ ଖାଲି କହିଲା, ଭଲରେ ଯିବୁ,ଭଲରେ ଆସିବୁ।କାହାସହିତ କଳି କରିବୁନି।