FEW HOURS LEFT! Exclusive FREE session on RIG VEDA for you, Register now!
FEW HOURS LEFT! Exclusive FREE session on RIG VEDA for you, Register now!

Akshay Kumar Behera

Others


5.0  

Akshay Kumar Behera

Others


ଧୋଇଦେଲା ଆଖିଲୁହ

ଧୋଇଦେଲା ଆଖିଲୁହ

2 mins 608 2 mins 608


ସମୟର ତିନି କଣ୍ଟା ଟିକଟିକ୍ କରି ଆଗେଇ ଚାଲିଛି, କେବେ ପଛକୁ ଫେରି ଚାହିଁନି । ଜୀବନର ଚଲାପଥରୁ ପଛକୁ ବୁଲି ଦେଖିଲା ବେଳକୁ ଅତୀତର ସବୁ ସ୍ମୃତି ମନର ସାଧା କାଗଜରେ ଲିପିବଦ୍ଧ ହୋଇ ସାରିଛି । ସମୟ ସନ୍ଧ୍ୟାର ଆଗମନ, ଆମ୍ବ ତୋଟା ପଡିଆରେ ଆକାଶ ଏକୁଟିଆ ବସିଥାଏ ।

 

ପଶ୍ଚିମ ଆକାଶଟା ଅସ୍ତଗାମୀ ସୂର୍ଯ୍ୟଙ୍କ କିରଣରେ ସୁନେଲି ବର୍ଣ୍ଣ ଧାରଣ କରିଛି । ଆକାଶର ଛାତି ଚିରି ନୀଡ ଅଭିମୁଖେ ବିହଙ୍ଗ ମାନେ ଆଗେଇ ଚାଲିଥାନ୍ତି । ପାଖ ତାଳବଣରୁ ବାଇଚଢେଇର କିଚିରି ମିଚିରି ସ୍ବର ମନକୁ ଆନନ୍ଦିତ କରୁଥାଏ । ବଣମଲ୍ଲୀର ବାସ୍ନା ପବନର ତାଳେ ତାଳେ ଭାସି ଆସୁଥାଏ ।


ଗୋଠ ବାହୁଡାର ପାଦଧୂଳିରେ ସନ୍ଧ୍ୟାରାଣୀ ଗ୍ରାମପଥ ଦେଇ ଧୀରେଧୀରେ ଗ୍ରାମକୁ ପ୍ରବେଶ କରୁଥିବା ବେଳେ ଜଗନ୍ନାଥ ମନ୍ଦିରରୁ ସନ୍ଧ୍ୟା ଆଳତୀର ଘଣ୍ଟ ଧ୍ବନୀ ସଙ୍ଗେ କୂଳ ଭୁଆଷୁଣୀ ମାନଙ୍କ ତୁଳସୀ ମୂଳରେ ସଞ୍ଜଦୀପ ଦେଲାପରେ ଶଙ୍ଖ ଧ୍ବନୀ ଚେତନାକୁ ଜାଗ୍ରତ କରିଦେଲା ।


ଭାବ ବିହ୍ବଳ ହୋଇ ଇତି ଅବସରେ ଅତୀତର କେତେ କଥାକୁ ବର୍ତ୍ତମାନର ସମୟ ଦର୍ପଣରେ ଦେଖିବାକୁ ଚେଷ୍ଟା କରି ବସିଥିଲା ଆକାଶ । ସେଇ ପୁରୁଣା ଦିନ ମମତାମୟୀ ବୋଉର ସ୍ନେହ ଆଦର ମନଟାକୁ ତାର ଘାଣ୍ଟି ପକଉଥାଏ । ସେଇ ଅଭୁଲା ଛବି ଆଖି ଆଗରେ ସଦାବେଳେ ନାଚିଯାଉଥାଏ ।


ମାତ୍ର ଦଶ ବର୍ଷ ବୟସରେ ବୋଉ ଚାଲିଗଲା ପରଠୁ ଏ ପ୍ରଯ୍ୟନ୍ତ ଆଖିରୁ ଲୁହ କେବେ ଶୁଖିନି । ଚତୁର୍ଥ ଶ୍ରେଣୀ ପଢୁଥିଲା ଆକାଶ । ବୋଉ ଗଲାପରେ ପାଠପଢା ତାର ବନ୍ଧ ହୋଇଗଲା । ସାନ ଭଉଣୀର ବୟସ ଛଅ ବର୍ଷ ତାର ଦେଖାଶୁଣା କରିବା ସହ ଘରର ଛୋଟ ମୋଟ କାମ କରିବାକୁ ପଡୁଥିଲା ।


ପଡିଶା ଲୋକଙ୍କ କଥାରେ ବାପା ଦ୍ବିତୀୟ ବିବାହ କଲେ । ହେଲେ କିଛି ପରିବର୍ତ୍ତନ ବଦଳରେ ଅଧିକ ଚିନ୍ତାଗ୍ରସ୍ତ ହୋଇପଡିଛି ଏବେ ଆକାଶ । ତାର ସାବତ ମାଆ ,କେହି ବେଳେ ଭାଇ ଭଉଣୀ ଦୁହିଁକୁ ଭଲ କରେନାହିଁ । ଶାନ୍ତିରେ ଖାଇବାକୁ ଗଣ୍ଡେ ଦିଏନି କାମ ପରେ କାମ ବରାଦ କରିଚାଲେ । ଏ ଦୁଃଖ କାହାକୁ ବା କହିବ ସେ,ସାବତ ମାଆ ଧମକ ଦେଇଛି ବାପାଙ୍କୁ କହିଲେ ଖାଇବା ବନ୍ଦ ।


ମାମୁଁ ଘରକୁ ଭାଇ ଭଉଣୀ ଦୁହେଁ ଚାଲି ଯିବାକୁ ନିଷ୍ପତ୍ତି ନେଲା ବେଳକୁ ବାପା ମନା କରନ୍ତି । କଣ ବା କରିବ ସେ ବାପାଙ୍କ ମୁହଁକୁ ଦେଖିଲା ବେଳବୁ ମନ ଭାଙ୍ଗିଯାଏ । ନିଜେ ସବୁ ଦୁଃଖ ସହି ସାନ ଭଉଣୀକୁ ସୁଖରେ ରଖିବ ପାଠ ପଢାଇବ କେତେ କଥା ମନରେ ଭାବିଯାଏ । ଭାବନା ଭିତରେ ଦୁଇଧାର ଆଖିରୁ ଗରମ ଲୁହ ଝରଣା ପରି ଝରି ଚାଲିଥାଏ ।


ଏତିକି ବେଳେ କୁଆଡେ ଥିଲା କେଜାଣି କଳାହାଣ୍ଡିଆ ମେଘଟା ଅନ୍ଧାର କରି ମାଡି ଆସି ରିମିଝିମ୍ ସ୍ବରେ ଅଛଡାଏ ବର୍ଷା ଢାଳିଦେଲା । ଆକାଶ ର ଆଖିରୁ "ଧୋଇଦେଲା ଆଖିଲୁହ" ।



Rate this content
Log in