ଯାତ୍ରା ସଙ୍ଗୀତ

ଜୀବନ ପାତ୍ର ମୋ ଭରିଥିଲ ପ୍ରଭୁ

ସବୁ ନେଲ ତାକୁ କାଢ଼ି,

ସବୁ ନେଲ ବୋଲି କିମ୍ପାଇ କି ଆଉ

ତୁମ ହାତ ଦେବି ଛାଡ଼ି l

ଜୀବନ ପଥରେ ଅନେକ ଯାତନା

ସହୁଛି ଆଜି ମୁଁ ବସି,

ଯାହା ଦେଉଅଛ ଖୁସିରେ ନେଇକି 

ଉପରେ ଦେଉଛି ହସି l

ଭାଗ୍ୟରେ ଯଦି ମୋ ଏତେ ଦୁଃଖ ଦେଲ

ସହିବାକୁ ଦିଅ ଶକ୍ତି,

ଆଉ ପ୍ରଭୁ ମତେ ନିରାଶ କରନି 

ଦେଇଦିଅ ଥରେ ମୁକ୍ତି l

ଜୀବନ ସଙ୍ଗୀତ ମୋ ପାଇଁ ଆହତ

ପାରୁନାହିଁ କିଛି ଲେଖି,

ଜୀବନ ଯାତ୍ରା ମୋ ସଫଳ କର ହେ

ଆହେ ପ୍ରଭୁ ଚକା ଆଖି l

ଜୀବନ ଯାତ୍ରା ମୋ ସରିଆସିଲାଣି

ତଥାପି ରହିଛି ବାକି,

ଶେଷ ବେଳେ ପ୍ରଭୁ ଦୟା କରିଦେବ 

ଧର୍ମ ଏକା ମୋର ସାକ୍ଷୀ l