ଧର୍ମ ଅଧର୍ମ

ଅଧର୍ମର ପଥେ ସର୍ବେ ଆତଯାତ

   ଧର୍ମ ପଥେ କେହି ନାହିଁ,

ଧର୍ମର ପଥରେ ଚାଲିବାକୁ ଆଜି

   କାହା ମନ ହେଉନାହିଁ l

ପାପର କଳୁଷ ପଙ୍କରେ ସମସ୍ତେ

   ବୁଡ଼ି ରହିଛନ୍ତି ସବୁ,

ପୂଣ୍ୟର ବ୍ୟବସ୍ଥା ହେଉଛି ହୀନସ୍ତା

   ହେଲାଣି ତ ଉବୁଟୁବୁ l

ଅଧର୍ମୀର ଧନ ବଢ଼ି ଯାଉଅଛି

  ପାପ କାର୍ଯ୍ୟମାନ କରି,

ଗରିବ ଲୋକଟି ଧର୍ମକୁ ଆଦରି

  ଦୁଃଖେ ଯାଉଅଛି ମରି l

କି ଧର୍ମ ରେ ତୁହିଁ ରଖିଛୁ କାଳିଆ

   କଳିଯୁଗ କଳିକାଳେ,

ଥିଲା ଵାଲା ଏଠି ସବୁ ଖାଇଯାଏ

  ଗରିବ ପାଏନି ଫାଳେ l

ଧର୍ମର ତରିକା ବଦଳାଇ ଦେରେ 

  ଅଛି ତୋ ପାଖରେ ଯେତେ,

ଧର୍ମର ସୁଫଳ ପାଆନ୍ତୁ ସଭିଏଁ

  ଏତିକି କାମନା ତୋତେ ।