ସାଥୀ

ଝୁରଇ ମୋ ମନ ସେଇ ବାନ୍ଦରାମି

ଅନାବନା ଯେତେ ଅଯଥା ଗପ  

ସାହେବ ହୋଇକି ଭୁଲିଗଲା ସବୁ 

ଆନ ରମଣୀରେ ରହିଲା ଲିପ୍ତ  

ଭୁଲିଗଲା ମୋର ସେନେହ ସରାଗ 

ମାନସୁ ପୋଛିଲା ମୋହରି ଚିତ୍ର  

ଆଜି ମୋର ରୂପ ବିରୂପ ଲାଗିଲା 

ଅଦରକାରୀ ମୋ ପ୍ରେମର ପତ୍ର  

କାଲି ଯେ ଆକଟି ବାରୁଆଳୀ କହି

ବାର କଥା ମୋତେ ଶୁଣାଉ ଥିଲା  

ଆଜି ସେ ଉତ୍ତରେ ବିନା ଶବଦରେ 

ସଂପର୍କକୁ ଆମ ଛିଣ୍ଡାଇ ଦେଲା  

ପ୍ରେମର ସଂପର୍କ ହୃଦୟରେ ଗଢ଼ା

କହି ଲେଖି ଦେଲେ ଯାଏନା ଛିଡ଼ି  

ତଥାପି ଚାହୁଁଛି ତୁମ ଖୁସି ଲାଗି

ପ୍ରାଣବାୟୁ ମୋର ଯାଆରେ ଉଡ଼ି  

ଦୁଃଖୀ ଜୀବନରେ କି ଲୋଭ ଥିଲାରେ 

ତୋ ପାଇଁ ସିନା ମୁଁ ବଂଚୁରେ ଥିଲି  

ତୁ ଯଦି ମୋ ବିନା ଖୁସିରେ ବଂଚିବୁ 

ଆଉ କି ବା ମୋର ଲୋଡ଼ାରେ କାଲି  ?