ସ୍ୱାଧୀନତାର ୭୨ ବର୍ଷ ପରେ ଭାରତ

ପ୍ରାକୃତିକ ସୌନ୍ଦର୍ଯ୍ୟ ଭରା ଗିରିବନ ପ୍ରାନ୍ତର

ନଦ ନଦୀ ଝରଣା ପରିବେଶ ସୌମ୍ୟଶାନ୍ତର

ଆମ ସୁନାର ଭାରତ ବି ଦିନେ ଭୋଗିଛି

 ତିକ୍ତ ସ୍ୱାଦ ନିଜ ପରାଧୀନତାର |୧|

ସ୍ୱାଧୀନତା ପାଇଁ ଗାନ୍ଧୀ,ସୁବାଷ,ସର୍ଦ୍ଦାର

ସହିଛନ୍ତି କେତେ ଅପମାନ ଗାଳି

ହୋଇଛନ୍ତି କେତେ ଅମର ଶହୀଦ

ଦେଇ ନିଜ ପ୍ରାଣ ବଳି |୨|

ଲୋକତନ୍ତ୍ର ଆସିଲା ପରେ ବି 

ଲୋକେ ଖୋଜନ୍ତି ନିଜର ଅଧିକାର

ଡ଼ଲାର ଓ ପଇସା ମଧ୍ୟରେ ବଢୁଛି ଦୂର

ମୁଣ୍ଡବ୍ୟଥା ସାଜିଛି ଏଠି ବେରୋଜଗାର

ମହଙ୍ଗା ହେଲାଣି ରୁଟି,ଭାତ ଓ ଡାଲି

ନେତାଏ ଛାଡ଼ନ୍ତି ଫମ୍ପା ଭାଷଣ ଖାଲି |୩|

କିଛି ଲୋକ ପାଇଁ..

ସ୍ୱାଧୀନତାର ଅର୍ଥ ହୋଇଛି ଘୋଟାଲା

ଭ୍ରଷ୍ଟାଚାରର ରଙ୍ଗରେ ହିମାଳୟ କଳା

ସ୍ୱାଧୀନରେ ଖାଇଯାନ୍ତି ପଶୁଙ୍କ ଚାରା

ସ୍ୱାଧୀନର ଖେଳ ଖେଳନ୍ତି ଫିକ୍ସିଙ୍ଗ ବଲରେ

ହାର ବଦଳରେ ପିନ୍ଧିବାକୁ ପଇସାର ମାଳା |୪|

ବିଜ୍ଞାନ ଓ ପ୍ରଯୁକ୍ତି କ୍ଷେତ୍ରରେ

ଆମେ ବହୁତ ଆଗୁଆ

ଚନ୍ଦ୍ର ଓ ମଙ୍ଗଳ ରେ ପହଞ୍ଚିବାକୁ

ରୁଷିଆ ,ଚୀନ,ଆମେରିକା ହକା୍ବକା

କିନ୍ତୁ ଆମେ ମାରିଛୁ ପ୍ରଥମ ବଲରେ ଛକା |୫|

ସତ୍ୟ ଅହିଂସା ର ଅକ୍ଲାନ୍ତ ଶ୍ରମରେ

ବଜ୍ର ମୋ ଭାରତ କଳେବର

ହିନ ବ୍ୟକ୍ତିତ୍ୱର ହିନ ଚକ୍ରାନ୍ତରେ

ହୋଇନାହିଁ ବାଟବଣା

ବିକାଶ ମନ୍ତ୍ରରେ ବିକଶିତ ପଥେ

କୋଟିଏରେ ଗୋଟିଏ ଗଣା |୬|

ସାଇତି ରଖିଛି ନିଜ ହୃଦୟରେ 

ଭିନ୍ନ ଭିନ୍ନ ଧର୍ମ ଭାଷା ଭାଷୀ

ସଭିଏଁ ଚଳନ୍ତି ବିନା ଭେଦଭାବେ

ପରସ୍ପରକୁ ମମତା ରଜ୍ଜୁରେ ବାନ୍ଧି

ନଇଁଯାଆନ୍ତିନି ଭାଙ୍ଗିବା ତା ଦୂର 

ବହିଲେ ଅକାଳ ଝାଞ୍ଜି  |୭|

ଉଠିଗଲା ଧାରା ତିନିଶହ ସତୁରି

ସର୍ବେ ହୋଇବା ଏକାକାର

ସାର୍ବଭମୌତ୍ୱର ଏକ ବଳିଷ୍ଠ ନିଦର୍ଶନ

ଏକ ଦେଶ ଏକ ସମ୍ବିଧାନର ବିଚାର

କାଶ୍ମୀର ଠାରୁ କନ୍ୟାକୁମାରୀ,

ଏହା ଅଖଣ୍ଡ ଭାରତର ଆକାର |୮|

  

ଏମିତି ଉଡେଇବା ଆକାଶେ ତ୍ରିରଙ୍ଗା

ଶତ୍ରୁ ହେବ ବାଧ୍ୟ ବଜେଇବାକୁ ତାଳି

ଏକତା ଥିଲା ଓ ରହିବ ସମ୍ବଳ ଆମରି

ଶତ୍ରୁ ଦେଶ ନିଶ୍ଚେ ଚାଟିବ ଧୂଳି |୯|