ପ୍ରଣାମ ହେ ଦୟାମୟୀ ମାଆ..

ଭକ୍ତିର ପ୍ରଦୀପ ହୃଦେ ଜାଳି ଆଜି

ଡାକୁଅଛି ବାର ବାର

ହେ କଲ୍ୟାଣମୟୀ ଦୟାମୟୀ ମାଆ

ପ୍ରଣାମ ଗ୍ରହଣ କର।

ଜାଣେନାହିଁ ମନ୍ତ୍ର ଜାଣେନାହିଁ ତନ୍ତ୍ର

ଜାଣିଛି ମାଆ ଖାଲି ତତେ

ଭକ୍ତି ନୈବିଦ୍ଯ ମୋ ଅର୍ପଣ କରୁଛି

ସଦା ଥିବୁ ସାଥେ ସାଥେ।

ତୋ ଆଶୀଷ ଥିଲେ ଦୁଃଖର ଦରିଆ

ଖୁସି ରେ ହେବି ମୁଁ ପାରି

ଚଲାପଥେ ମୋର ଥାଉ ଯେତେ ବାଧା

ସବୁ ଯିବ ଅପସରି।

ଧରିଥିବୁ ହାତ ଚାଲୁଥିବି ପଥ

ଝୁଣ୍ଟିଲେ ମା ଉଠେଇବୁ

ଝାଡିଦେଇ ଧୂଳି ନେବୁ ମାଆ ତୋଳି

ପାଶେ ପାଶେ ସଦା ଥିବୁ।