ପଣା
ପଣା
ଶୁଣ ସୁଧୀଜନ ଶୁଣ ମନ କର୍ଣ୍ଣ ଆଜି ପଣାକୁ ପିଇବା
ପଣା ପିଇ ଆମେ ସନ୍ତୁଷ୍ଟ ହୋଇଣ ଗୁଣ ତାହା ଗାଇବା |
ପଣା ସଂକ୍ରାନ୍ତିର ମୁଖିଆ ତୁ ଅଟୁ ଘରେ ଘରେ ପରିଚିତ
ନାନା ରକମର ପଣା ପିଇ ଜନେ ହୋଇଥାନ୍ତି ତୃପ୍ତ |
ତୁହି ଅଟୁ ପଣା କେଡେ ଭାଗ୍ୟବାନ ଲୋକେ ତୋତେ ପିଇଥାନ୍ତି
ସମସ୍ତ ପେଟରେ ପଡିଗଲେ ଥରେ କରିଥାଉ ତାଙ୍କୁ ଶାନ୍ତି |
ପଣାର ସ୍ୱାଦକୁ ମଜ଼ା ନେବା ପାଇଁ ମିଳିମିଶି ପିଇଥାନ୍ତି
ଘରକୁ ଅତିଥି ଆସିଗଲେ ଥରେ ପଣା ତାଙ୍କୁ ଦେଇଥାନ୍ତି |
ଦାଉଦାଉ ଖରା ଖାଇ ଆସିଥିଲେ ମିଳିଲେ ପଣା ଗିଲାସେ
ହାଲିଆ ତାଙ୍କର ମାରିସାରୀ ଜନେ ବସନ୍ତି ଟିକେ ଉଶ୍ୱାସ |
ଦଣ୍ଡ ଠାକୁରଙ୍କ ପଣାର ସ୍ୱାଦ ଚାଖିଥାଇ ସିଏ ଯାଣେ
ଥରେ ପିଇ ଦେଲେ ଆଉଥରେ ତାକୁ ପିଇବାକୁ ମନ ଟାଣେ |
ଘୋଳା ଦହି ସାଥେ ଚିନି କିମ୍ବା ଲୁଣ ପିଇ ଦେଲେ ଥରେ ଯିଏ
ତୃଷ୍ଣା ମେଣ୍ଟି ଯାଇ ଥକା ମରିଯାଏ ଝୁରି ହୋଉଥାଏ ସିଏ |
ବୈଶାଖ ମାସର ପଣା ସଂକ୍ରାନ୍ତିରେ ଘରେ ଘରେ ପଣା ହୁଏ
ଇଷ୍ଟ ଠାକୁରଙ୍କୁ ଅର୍ପଣ କରି ବାଣ୍ଟିବୁଣ୍ଟି କରି ପିଏ |
ଲେମ୍ବୁ ପଣା କଥା କଣ କହିବି ପେଟ ରୋଗ ଦିଏ ମାରି
ଝାଡା ପେଟମୋଡା ରୋଗ ହୋଉଥିଲେ ପିଇ ଦେଲେ ଯାଏ ଛାଡି |
ଘୋଳ ଦହି ସାଥେ ନଡ଼ିଆ କଦଳୀ ପାଟିକୁ ଲାଗଇ ମଜ଼ା
ମନ୍ଦେ ପଣା ମାରିଦେଲେ ଥରେ ମନ ହୋଇଯାଏ ତାଜା |
ନବାତ ସହିତ ବେଲ ମିଶି କରି ଘାଣ୍ଟି କରିଦେଲେ ପଣା
ଚାଖିଥାଏ ଯିଏ ବେଲ ପଣାଟିକୁ ତାର ସ୍ୱାଦ ତାକୁ ଜଣା |
ଗଞ୍ଜେଇ ପଣାର କି ଗୁଣ କହିବି ତାକୁ ପିଇ ଦେଲେ ଥରେ
ଦିନ ରାତି ଖାଲି ନାମ ଘୋଷୁଥାଏ ହରେ ରାମ ହରେ ହରେ
