ପଦ ରେଣୁ ଟିକେ ଦିଅ

ସଂଜ ସକାଲରେ     ତୁମ ନାମ ଜପି

        ଦିନ ବିିିତି ଯାଉ ମୋର

ତୁଣ୍ଡ ଗାଉଥିଵ       ସଦା ନାମ ତଵ

       ଯଶ ତୁମ ଜୀବନର ।

ତୁମ ପୂଜା ବିଧି      ଆରାଧନା କରି

       ଶାନ୍ତି ଲଭୁୁଥିବ ମନେ

ମାନ ଅପମାନ       ମନୁ କର ଦୂର

       ଗୁଜବ ନ ଆସୁ କାନେ ।

ଆଶିିିିଷର ବାରି      ବରଷୁ ମୋ ଶୀରେ

       ତୁମ କାମ କରିବାକୁ

ସାହାସର ଧାରା      ବଢାଅ ଜୀବନେ

       ବଳ ଦିଅ ମୋ ଦେହକୁ ।

ଚିତା ଚଇତନ       ଭରିିଦିଅ ମନ

      ଗାଇବାକୁ ତୁମ ନାମ

ଚେତନାରେ ଥାଇ      ପଥ ଯିବି ବାହି 

      ଭଜି ତୁମ ସଂକୀର୍ତ୍ତନ୍ୟ ।

ଏପରି ଶକତି         ଦେବହେ ଠାକୁରେ

      ଜନ ସେବା କରିବାକୁ

ନର ସେବା ଯେଣୁ      ନାରାୟଣ ସେବା

     ଅନ୍ତର  ଭରେ ମନକୁ ।

ଅତିଥିଙ୍କୁ ଦେଖି       ଘରକୁ ଆଣିବା

       ଭାଗି ହୋଇ ତାଙ୍କ ସୁଖେ

ଯଦିବା ତାଙ୍କର       ଦୁଃଖ ବେଳ ଥାଏ

      ଭାଗ ନେବି ତାଙ୍କ ଦୁଃଖେ ।