ମୁଁ କିଏ
ମୁଁ କିଏ
ମୁଁ କିଏ ?
ମୁଁ କିଏ
ମୋତେ ଜଣାନାହିଁ
କେବଳ ଏକ ଶରୀରଟିଏ
ପିତାମାତା ନାଁ ଟିଏ ଦେଇଛନ୍ତି ସିନା
କିନ୍ତୁ ମୁଁ ମୋତେ ଖୋଜୁଛି
କେଉଁ କାଳରୁ ।।।
ଉତ୍ତର ପାଉନି
ମୁଁ କିଏ
ମୋତେ ମୁଁ ଚିହ୍ନିନି ।
ଆତ୍ମା ପରମାତ୍ମା ବ୍ରହ୍ମତ୍ବ
କିଛି ଶବ୍ଦ ଶୁଣିଛି
ଈଶ୍ବର ସ୍ରଷ୍ଟା
ଏ ସବୁ କିଛି ବୁଝିନି ।
ଶିବ ଆଉ ଶବ
ଫରକ କଣ
ଜାଣି ବି ପାରୁନି ।
ନାଁ ମୁଁ ଶବ
ନାଁ ମୁଁ ଶିବ
ନାଁ ଏକ ଜୀବ
ଚେଷ୍ଟା କରି ବୁଝି ପାରୁନି ।
କିଏ ଦେବ ତା ଉତ୍ତର
ଶରୀରଟା ପାଉଁଶିଆ ପଡ଼ିଲାଣି
ଯାତନା ଆଉ ଯନ୍ତ୍ରଣା
ବହୁତ ପାଇଲିଣି
ତଥାପି ଖୋଜୁଛି
ନିଜକୁ ପଚାରୁଛି
ମୁଁ କିଏ
ଉତ୍ତର ପାଉନି ।
ଏ ପ୍ରଶ୍ନ ମୋତେ ଅସ୍ତବ୍ୟସ୍ତ କରୁଛି
ଥକି ପଡିଲିଣି ।
ମେଞ୍ଚା ମେଞ୍ଚା ଅନ୍ଧାର
ଶୁଭୁଛି କାନଫଟା ଚିତ୍କାର
ମାଗୁଛି ଉତ୍ତର
ଖୋଜୁଛି ପରିଚୟ
ଆଧାର ବୋଧ ହୁଏ
ପରିଚୟ ଉତ୍ତର
ନାଁ ନାଁ ନାଁ
ସେତ କେବଳ ଶରୀର ।
ତେବେ ମୁଁ କିଏ
କାହିଁକି ଆସିଛି
କଣ କରୁଛି
କାହିଁକି କରୁଛି
ସବୁଠି ନିରାଶାର ମେଞ୍ଚା ମେଞ୍ଚା ଅନ୍ଧାର ।
ମୁଁ କିଏ
କିଏ ଦେବ ତାର ଉତ୍ତର ।
ବାଟ ସରିଗଲା
ସୂର୍ଯ୍ୟ ଉଇଁଲେ ନି
ଚାରି ପାଖେ ଘଞ୍ଚ ଜଙ୍ଗଲ
କେବଳ ଅନ୍ଧାର ଆଉ ଘନ ଅନ୍ଧକାର
କେବଳ ଶୁଣୁଛି ଫୁତ୍କାର
ଆଉ କିଛି ଚିତ୍କାର
ମୁଁ କିଏ ?
କିଏ ଦେବ ତାର ଉତ୍ତର । । ।