ମଶାଣୀ
ମଶାଣୀ
1 min
625
ଦୁଇ କି ତିନି ଗୁଣ୍ଠ ଜମିର
ପରିଧୀ ମଧ୍ୟରେ ସୀମାବଦ୍ଧ୍ ସେ ମଶାଣୀ
ସାତ ଜନମର ଅତିଥିକୁ ସେ ନିମନ୍ତ୍ରଣ କରେ
ଉଲ୍ଲାସରେ ଅତି ଆନନ୍ଦରେ ।
ସାଇଁ ସାଇଁ ମାଲା ଦୁବଘାସର ବାସ୍ନାରେ ସମନ୍ବୟରେ
ସେ ପାଛୋଟି ନିଏ ସମାଜର ବହୁ ପୁରୁଖା ଲୋକଙ୍କୁ ।
ରାତ୍ରିରେ ଜହ୍ନର ତୋଫା ଜ୍ୟୋସ୍ନାରେ
ପୁଡା କାଠର ବାସ୍ନା, ଆଉ ବୁଲ କୁକୁରଙ୍କ ରଡି
ଶୋଭା ଦିଏ ଗୋଟେ ସ୍ଥିର ମଶାଣୀର ଚିତ୍ର ।
ରାମବୁଢା, ବଟ ସାହାନ୍ତେ ଆଉ ମଣି ଗୁଣିଆ
ଏବେ ବି ଜୀବନ୍ତ ସେହି ମଶାଣୀ ଛାତିରେ ।
ସେହି ମଶାଣୀ ବେଳେବେଳେ
ନିଜକୁ ଗର୍ବ କରେ ଭାବେ ଯେତେ ଧନୀ, ପ୍ରତାପୀ
ହେଲେ ମଧ୍ୟ ଶେଷରେ ମୋର ଆଶ୍ରିତ
କୋଳେଇ ନେବି ବସିଛି ତଥାସ୍ତୁ ମୁଦ୍ରାରେ ।
କେତେ ବୁଢା ଆଉ ତରୁଣୀ ଆଉ ମଣୀ
ସବୁ ଆଶ୍ରିତ ତା’ରି କୋଳେ
ଜୀବନର ଶେଷ ଯାତ୍ରା ।
ସେହି ମଣୀ ମଶାଣୀ ।