ମିଛେ କିଆଁ ପଛେ ଗୋଡାଇବ
ମିଛେ କିଆଁ ପଛେ ଗୋଡାଇବ
1 min
125
ସୁନ୍ଦର ପ୍ରକୃତି ଆମ , ସୁନ୍ଦର ଏ ଧରା
ତହିଁରେ ଅତି ସୁନ୍ଦର ଏ ମଣିଷ ପରା ।
ମଣିଷର ଅଛି ବୁଦ୍ଧି, ବିଚାର, ବିବେକ
ବିବେକ ଖଟାଇ କରେ ସୁକର୍ମ ଅନେକ।
ଯେଉଁଠାରେ ବିବେକର ପରାଜୟ ହୁଏ
ସେହି ସ୍ଥାନେ କୁକାର୍ଯ୍ୟ ତା' ଆସ୍ଥାନ ଜମାଏ ।
ବୁଦ୍ଧି ବଳେ କରେ ନର ଜ୍ଞାନ ଅରଜନ
ଜ୍ଞାନ ଯୋଗୁଁ ମିଳେ ତାକୁ ଅମାପ ସମ୍ମାନ ।
ହେଲେ ଯେଉଁଠାରେ ହୁଏ କ୍ଷୁର୍ଣ୍ଣ ଆତ୍ମସମ୍ମାନର
ଜ୍ଞାନୀ ଜନେ ସେହି ସ୍ଥାନ ବରଜନ କର ।
ବର୍ଜନ କର କୁସଙ୍ଗ, ଲୋଭ, ମୋହ ହିଂସା
ଜଗତରେ ତେବେ ଲାଭ କରିବ ପ୍ରଶଂସା ।
ପ୍ରଶଂସା ଟିକିଏ କୁହ କିଏ ବା ନ ଚାହେଁ
ପ୍ରଶଂସାରେ ସବୁ ପ୍ରାଣ ଉତଫୁଲ୍ଲିତ ହୁଏ ।
ହେଲେ)ଯୋଗ୍ୟକୁ ପ୍ରଶଂସା କର, ଅଯୋଗ୍ୟକୁ ନୁହେଁ
ଅଯୋଗ୍ୟକୁ ପରଶଂସା ଅପମାନ ପ୍ରାୟେ ।
କର୍ମ କରିଯାଅ ବନ୍ଧୁ ,ପ୍ରଶଂସା ଆପେ ହିଁ ଆସିବ
ମିଛେ କିଆଁ ପରଶଂସା ପଛେ ଗୋଡାଇବ ।