ମାନେ

ସବୁ ନିଜ ପଣ ଅଜାଡ଼ିଦେଲା ପରେ

ଯଦି ତମେ ନ ବୁଝ

ଆହୁରି ବି ମୋ ଅସହାୟତା ରେ

ତମେ ପଚାରି ବସ

"ମାନେ"???

ଜାଣିଛ

ଏ "ମାନେ" କେତେ ଧୈର୍ଯ୍ୟକୁ ଭାଙ୍ଗିଦେଇପାରେ

ଚୁରମାର ବି କରିଦିଏ

ନିଜ ଭିତରେ ଥିବା ସହସ୍ର ଅପେକ୍ଷାକୁ...

ତଥାପି ତମେ କହି ଚାଲ "ମାନେ"??

ବାସ ସେଠି ହୃଦୟର ଧକ ଧକ ଶବ୍ଦ ହେଇଯାଏ ସ୍ଥିର

ନିଦ୍ରା ପଣ ବା ଆବେଗରେ

ବା ଅଭିମାନରେ

ବାସ ଅପେକ୍ଷା କର ନାହିଁ

ମୋ ଉତ୍ତରକୁ ...

ସେ "ମାନେ"?? କୁ ବୁଝେଇବାକୁ

ଅସମର୍ଥ ମୁଁ

କାରଣ ମୁଁ ଆଧୁନିକା ପ୍ରେମିକା ନୁହଁ

ଯେ ମିଛରେ ବାଆଁରେଇ କହିପାରେ

"କିଛି ନାହିଁ'

ରାତି ଅଧରେ ଖୋଜିବା ମାନେ

ବୋଧେ ଗୋଟେ ଅଭିନୟ

ବାଃ ନିଜକୁ ଦେଉଛି ସାବାସୀ

ନିଜ ପିଠି ଥାପୁଡ଼େଇ

ବୋଧେ ସଫଳ ମୁଁ

ଏ "ମାନେ" ଶବ୍ଦର ଅଭିନୟରେ....