ମା

ମା ର ପଣତ ସରଗର ସୁଖ

ସ୍ନେହ ମମତାର ଘର 

ବିପଦ ସମୟେ ରକ୍ଷା କରେ ସେ

କରେ ନାହିଁ କେବେ ପର ।

ଦଶମାସ ଦଶଦିନ ଗର୍ଭେ ଧରି ଜନମ ଦେଇଛି ଯିଏ

ତା ଠାରୁ ଏ ଜଗତରେ ବଳି କୁହ ଆଜି ଅଛି କିଏ।

ମା ର କାନି ରେ ସଂସାର ଦୁଃଖ 

କୁଆଡେ ଯାଏ ଉଭଇ

ତାରି ଆଶିଷେ କଠିନ କାମ ବି 

ଯାଏ ସରଳ ହୋଇ ।

ସ୍ନେହ କରୁଣାମୟୀ ସେ ଦୟା ର ସାଗର

ତା ପାଶେ ଦିଶେ ସରଗ ସୁଖ

ତା ଆଙ୍ଗୁଠି ଧରି ଚାଲିବା ଶିଖିଲେ

ଦୂରତା ହୁଏ ତ ପାଖ ।

ମା ଡାକ ଟି ଅମୃତ ସମାନ ସେ ନାମେ କର ଜୟ

ମା ନାମ ସ୍ମରଣ କଲେ ଦୂର ହୁଏ ପାପ ଭୟ ।

ମା ଠାରୁ ବଳି ଏ ସଂସାରେ

ଜାଣିଛ କିଏ ଅଛି

ଏକ ହୃଦୟ ଆତ୍ମେ ଏକ ସାଙ୍ଗରେ 

ସିଖାଏ ସେ ଶାନ୍ତି ର ପ୍ରୀତି ।