ହାଇକୁ : ବସନ୍ତ

01.

ଆସେ ବସନ୍ତ

ଗାଏ ପ୍ରକୃତି ରାଣୀ

ପ୍ରେମର ଗୀତ ।

02.

ପରଜାପତି

କେତେ ରଙ୍ଗ ଡେଣାରେ

ପାରେନା ଦେଖି ।

03.

ବସନ୍ତ ଦେଖି

ଶୋରିଷ ସୂର୍ଯ୍ୟମୂଖୀ

ହେଲେ ଫୁଲେଇ ।

04.

ଫୁଟିଛି ଫୁଲ

ଲେଖିଯାଏ କବିତା

କବି ଭ୍ରମର ।

05.

ବଗିଚା ଫୁଲ

ଚାହିଁ ରହିଛି ବାଟ

ଭଅଁର ଭେଟ ।

06.

ସଙ୍ଗେ ମଳୟ

ଆମ୍ର କୁଞ୍ଜେ ବସନ୍ତ

ଗାଏ କୋକିଳ ।

07.

ପ୍ରେମର ମନ୍ତ୍ର

ଗାଇ ଗଲା ବସନ୍ତ

କୋଇଲି କଣ୍ଠ ।

08.

ତୁନି ମୂରଳୀ

କୁହୁ କୁହୁ ଗାଉଛି

କୋଇଲି ବୋଲି ।

09.

ବଉଳ ବାସ

ଋତୁରାଜା ବସନ୍ତ

କଅଁଳ ସ୍ପର୍ଶ ।

10.

ବଉଳ କଷି

ବୁଦ୍ଧ କି ସକ୍ରେଟିସ୍

ପାରୁନି ହସି ।

11.

ପଳାଶ ଗଛ

ନାଲି ଫୁଲ ଫୁଟିଲା

ହସେ ବସନ୍ତ ।

□ ପ୍ରଦୀପ କୁମାର ଦାଶ "ଦୀପକ"

ଶଙ୍କରା , ଜିଲ୍ଲା - ରାଏଗଢ

(ଛତ୍ତିସଗଢ)